Bygdarhúsið í Leirvík
Umhugsar tú eitt brúðleyp, silvur brúðleyp, gull brúðleyp, rundan føðingardag, bingo, ella eina veitslu av øðrum slag, ja so hevur Bygdarhúsið í Leirvík karmarnar til, at skipa fyri tíni dreymaveitslu. Bygdarhúsið í Leirvík lat upp 8. mai 1986. Húsið er síðani útbygt og pláss er fyri nógvum fólkum í hølunum. Bygdarhúsið verður nýtt til nógv ymisk tiltøk og er serliga vælegnað til stórar veitslur. Hølini verða nýtt til veitslur av ymiskum slag, men ígjøgnum árini hava eisini verið tiltøk av øðrum slag, s.s. bingo, møtir, ervi, fundarvirksemi, konsertir, sólarkaffi o.a. Síðani Bygdarhúsið fyrstuferð opnaði, hevur tað verið sera nógv virksemi í húsinum, tí er tað skilagott at bóka hølini í góðari tíð, um tú vilt verða heilt sikkur í, at tey eru tøk til títt dato. Tað eru pláss fyri umleið 300 gestum í senn, tá bæði ovara og niðara høli er í brúk.
